ABŞ-dan Qırğızıstanla bağlı şok qərar: “Təhlükəlidir”

ABŞ hökuməti Nigeriya, Qırğızıstan, Myanma, Sudan, Tanzaniya və Eritreya vətəndaşlarına Amerikada daimi yaşamaq icazəsi verən vizaları dayandırıb.

Teleqraf.com xəbər verir ki, bunu ABŞ-ın milli təhlükəsizlik naziri Çad Vulf açıqlayıb.

Nazir sözügedən ölkələrin ABŞ-ın təhlükəsizlik standartlarına uyğun gəlmədiyini bildirib. Amma bu qadağanın turizm vizalarına tətbiq edilmədiyini də sözlərinə əlavə edib.

Qərarın qüvvəyə minməsindən sonra Nigeriya, Qırğızıstan, Myanma, Sudan, Tanzaniya və Eritreya vətəndaşları ABŞ-dan daimi yaşamaq vizası ala bilməyəcəklər.

ABŞ hökuməti bundan əvvəl İran, Liviya, Suriya, Somali, Yəmən, Şimali Koreya və Venesuelaya vizaların verilməsini dayandırmışdı.