Qonşu ölkədə şok olay: 7 həkim xəstəxanadan qaçdı

Rusiyanın Ufa şəhərində koronavirusa görə karantin rejiminin tətbiq olunduğu xəstəxanadan yeddi həkim qaçıb.

Teleqraf.com xəbər verir ki, bu barədə Başkiriya məhkəməsinin mətbuat xidmətindən bildiriblər.

Xəbərə görə, Kuvatov adına Respublika xəstəxanasının 7 həkimi və tibbi heyəti özünütəcrid rejimini pozublar. Onlar analizlərin təkrar nəticələrini gözləməyərək, xəstəxananı tərk ediblər.

Bundan sonra işə qarışan məhkəmə 6 həkimin məcburi tibbi nəzarətə götürülməsi barədə qərar qəbul edib. Onlar analizlərin nəticələri açıqlanana qədər nəzarət altında saxlanılacaqlar.