Avropadan Türkiyəyə qarşı xəyanət – Böyük tarixi yalan yenə masada

Avropa Xalq Partiyası (AXP) qondarma erməni soyqırımının ildönümü ilə bağlı bəyanat yayıb.

Teleqraf.com xəbər verir ki, bəyanatda erməni xalqı ilə həmrəylik nümayiş etdirilib.

“Bu gün biz 1915-ci il erməni soyqırımını xatırlayırıq və dualarımız və düşüncələrimizlə erməni xalqının yanındayıq. AXP Osmanlı İmperiyasında həlak olan 1.5 milyon günahsız qurbanların xatirəsini ehtiramla yad edir”, - bəyanatda qeyd edilib.

AXP baş verənlərə görə, Türkiyəyə də müraciət edib:

“Türkiyəni öz keçmişi ilə qarşılaşmağa və bununla da erməni və türk xalqları arasında həqiqi barışıq üçün yol açmağa çağırırıq”.

Əlavə edək ki, bu, Avropa İttifaqının əsas qurumlarından biri olan AXP-nin Türkiyəyə qarşı ilk xəyanətkar mövqeyi deyil. Bundan əvvəl 2015-ci ilin mart ayında AXP qondarma soyqırımı tanıyan sənəd qəbul edib.