ABŞ ilhaq məsələsi barədə qərar verəcək: Kritik görüş

Vaşinqton rəhbərliyi iyunun 22-23-də İsrailin "İlhaq planı"nı müzakirə edəcək.

Axar.az xəbər verir ki, bu barədə İsrailin “Kanal 13” telekanalı məlumat yayıb.

Məlumata görə, iclasa ABŞ Prezidenti Donald Tramp, Dövlət katibi Mayk Pompeo, Trampın müşaviri Kuşner, Ağ Evin Milli Təhlükəsizlik üzrə müşaviri Robert Brayn və ABŞ-ın İsraildəki səfiri Devid Fridman qatılacaq.

Bildirilir ki, Vaşinqton rəhbərliyi Netanyahunun Qərbi Şəriyədəki qanunsuz yəhudi yaşayış məntəqələrini və İordan vadisini İsrailə ilhaq planını tətbiq etməsinə dəstək verilib-verilməyəcəyini qərarlaşdıracaq.

Qeyd edək ki, İsrail rəhbərliyi iyulun 1-dən etibarən "İlhaq planı"nı həyata keçirmək istəyir.