29 İyun 21:25
3 199

Qiyamçı Liviya Milli Ordusunun komandanı, general Xəlifə Haftar və müttəfiqlərinin savaş planı deşifrə olub.

Teleqraf.com xəbər verir ki, bu barədə “Əl-Cəzirə” telekanalı məlumat yayıb.

Mənbə xarici muzdurları daşıyan yük maşınlarının və hərbi texnikaların Əcdəbiyyə şəhərinə gəldiklərini iddia edib. Məlumatda, eyni zamanda Haftar ordusunun nəzarətində olan Binqazi və Sirtə arasındakı ərazilərə də xarici qüvvələrin yerləşdirildiyi bildirilib.

“Əl-Cəzirə” xarici qüvvələr arasında Sudan və Çaddan gələn 3 mindən çox muzdurla yanaşı, Rusiyanın “Vaqner” qrupunun üzvlərinin olduğunu iddia edib.

ABŞ mediası isə Rusiyanın Şimali Afrikadakı qırıcılarını Liviyanın Əl-Cufra və Əl-Qədim şəhərlərinə göndərməsi haqda məlumat yayıb. Bölgədəki bazalara yerləşdirilən texnikalar arasında “Su-24”, “MiG-29” və “Su-35” qırıcıları var. Rusiyanın ümumilikdə Haftara dəstək məqsədilə bölgəyə 14 döyüş təyyarəsi göndərdiyi açıqlanıb.


Müəllif: Mənsur Rəğbətoğlu