7 İyul 14:42
314

İranda ötәn sutka әrzindә daha 200 nәfәr COVID19 infeksiyasından həyatını itirib.

Teleqraf.com xəbər verir ki, bu barədə İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari məlumat yayıb.

Nəticədə İranda bu virusdan ölәnlәrin sayı 11 931 nәfәrә yüksәlib.

Sadat Lari әlavә edib ki, İranda ötәn 24 saat әrzindә daha 2 637 nәfәr koronavirusa yoluxub. Bununla da İranda bu virusa yoluxanların sayı 245 688 nәfәrә çatıb. Virus daşıyıcılarından 3 270 nәfәrin vәziyyәti ağırdır.

Nazirlik rәsmisi İranda 207 min nәfәrin koronavirusdan sağaldığını deyib.

Sadat Lari bildirib ki, Xuzistan, Qәrbi Azәrbaycan, Şәrqi Azәrbaycan, Kürdüstan, Kirmanşah, Hörmüzqan, Buşehr, Rәzәvi Xorasanı vә İlam vilayәtlәrindә vәziyyәt ağırdır.
İranda indiyәdәk 1,84 milyondan çox diaqnoz testi hәyata keçirilib.


Müəllif: Teleqraf.com