7 İyul 2020 20:14
5 127
12 Punto 14 Punto 16 Punto 18 Punto

İsrailin xüsusi xidmət orqanları (MOSSAD) İranın bu ölkənin xaricdəki səfirliklərinə qarşı hazırladığı hücum planlarının qarşısını alıb.

Teleqraf.com xəbər verir ki, bu barədə İsrailin “Kanal-12” televiziyası məlumat yayıb.

Məlumatda bildirib ki, İran İsrailin Avropa və digər ölkələrdə yerləşən diplomatik korpuslarını hədəf almağı planlaşdırıb.

Xəbərdə MOSSAD-ın əməliyyatlarının detalları, məlumatın mənbəyi və hücumun hansı ölkələrdəki səfirliklərə qarşı nəzərdə tutulduğu açıqlanmayıb. Yalnız qeyd edilib ki, həmin ölkələr hücum planlarının neytrallaşdırılmasında MOSSAD-la əməkdaşlıq ediblər.

Hələlik rəsmi Tehran yayılan iddialara münasibət bildirməyib.


Müəllif: Mənsur Rəğbətoğlu