Mesut Özil İslam dünyasına müraciət etdi

Türk mənşəli alman futbolçusu Mesut Özil İslam dünyasını "islamofobiyanı mehribanlıqla silahsızlaşdırmağa" çağırıb.

Teleqraf.com xəbər verir ki, futbolçu bu barədə özünün tvitterdəki yazıb.

O, mikrobloqunda Qurandan sitat gətirib: "Xeyir və şər bərabər ola bilməz. Şərə ən yaxşı ilə cavab verin, onda sizinlə düşmən olan yaxın dost kimi olacaq".

"Təəssüf ki, Avropada, dünyanın başqa yerlərində islamofobiya artır və KİV bunda böyük rol oynayır", - London "Arsenal"ının yarımmüdafiəçisi sosial şəbəkədə yazıb.

"Mənim buna şəxsi cavabım: biz islamofobiyaya və anti-islamizmə belə reaksiya verməliyik - onları gücləndirməmək və silahsızlaşdırmaq üçün mehribancasına susmağa məcbur etməliyik", - 31 yaşlı futbolçu fikirlərini yekunlaşdırıb.

Özil İngiltərə Premyer Liqasının "Arsenal" klubuna 2013-cü ildə keçib. O, "topçular"ın heyətində 254 oyunda 44 qol vurub.