İsraildə iki həftəlik sərt karantin tətbiq edilir

İsrailin Baş naziri Binyamin Netanyahu ölkənin Səhiyyə Nazirliyi ilə birlikdə iki həftəlik karantin tətbiq edildiyini açıqladı.

Teleqraf.com-un məlumatına görə, bu barədə "Times of Israel" yazır.

İsrail hökuməti bu təşəbbüsü koronavirus infeksiyasına yoluxma sayının artması fonunda təsdiqləyib.

Tədbir 7 yanvar tarixindən qüvvəyə minəcək.

Netanyahu həmçinin "Twitter"də pisləşən epidemioloji vəziyyətə görə dünyanı ciddi nəticələr gözləməsi barədə xəbərdar edib: "Koronavirusun britaniya mutasiyası səbəbindən yüksək sürətlə yayılan qlobal bir pandemiyanın qızğın çağındayıq".