General: “Bu qış onların sonu olacaq” – Ərdoğan əmr verdi

“Türkiyə Prezidenti Rəcəb Tayyib Ərdoğanın əmr və təlimatlarına uyğun olaraq, PKK terror təşkilatına qarşı aparılan hərbi əməliyyatlar qış aylarında da davam edəcək”.

Teleqraf.com xəbər verir ki, bunu Türkiyə Jandarma Qüvvələrinin komandanı, general Arif Çətin deyib.

General məskunlaşma ərazilərinə geri çəkilməyə başlayan terrorçuların öz “yuvalarında” zərərsizləşdiriləcəyini bildirib:

“Terrorçularla mübarizəmiz Cudi, Qabar, Herakol, Kato, Avaşin, Bestler, Dərələr, Təndürək, Ağrı, Tuncəli, Hakkari, Diyarbakır və ölkəmizin hər qarışında davam edəcək. 2020-ci ildə sözügedən ərazilərdə PKK terror təşkilatının “yuvalarına” girdik. 2021-ci ildə də mübarizəmiz ora qədər davam edəcək. Bu qış PKK-nın son qışı olacaq. Bu uğurun müəllifi qəhrəman igidlərimizdir. Onlarla nə qədər qürur duysaq azdır”.