“Bosniya qəssabı”na hökm oxundu: On minlərlə müsəlmanı öldürmüşdü

Bosniya müharibəsində on minlərlə müsəlmana qarşı soyqırıma liderlik etmiş “Bosniya qəssabı” ləqəbli Ratko Mladiç barəsində ömürlük həbs cəzası Beynəlxalq Cinayət Məhkəməsi tərəfindən təsdiqlənib.

Teleqraf.com xəbər verir ki, keçmiş Yuqoslaviyanın Beynəlxalq Cinayət Tribunalı Mladiçi soyqırım və bəşəri cinayət törətdiyi, eləcə də müharibə qaydalarını pozduğu üçün ömürlük həbs cəzasına məhkum etmişdi.

Apellyasiya üçün müraciət edən Mladiçin tələbi Haaqa məhkəməsi tərəfindən rədd olunub.

BMT-nin insan haqları üzrə ali komissarı Mişel Baçelet Mladiçlə bağlı qərarın təsdiqlənməsini alqışladığını söyləyib.