“Ölən hər amerikalı üçün bir şəhər yer üzündən silinməlidir” - Qorxunc hədə

ABŞ hərbi qüvvələrinin Əfqanıstandan çəkilməsi qərarı ilə başlayan xaos dalğası davam edir.

Teleqraf.com xəbər verir ki, Talibanın ölkəni ələ keçirməsi ilə başlayan təxliyə əməliyyatları davam etdiyi vaxt paytaxt Kabildə 6 partlayış baş verib.

Son məlumata görə, 13-ü Amerika hərbçisi olmaqla ən azı 60 nəfər həyatını itirib, 140 nəfər isə yaralanıb.

“FOX News”un aparıcısı Todd Starnesin ilk partlayışdan sonra Tvitterdə verdiyi açıqlama kəskin reaksiyalara səbəb olub.

Starnes yazır: “Öldürülən hər bir amerikalı üçün Əfqanıstanda bir şəhər yer üzündən silinməlidir”.

İlk paylaşımına kəskin reaksiyalardan sonra Starnes ikinci bir tvit atıb: “Talibanla belə bir dillə hədələməsəniz, cinayətlərini davam etdirəcək. Şərlə amansızcasına mübarizə aparılmalıdır”.