"Vyana danışıqlarında yaxşı irəliləyiş əldə edildi" - İran rəsmisi

Son günlər Vyanada aparılan danışıqlar nəticəsində İrana qarşı sanksiyaların ləğvinə dair yaxşı irəliləyiş əldə olunub.

Teleqraf.com xəbər verir ki, bunu İranın nüvə proqramı üzrə danışıqlarda ali təmsilçisi Əli Baqeri Kani deyib.

Bayram tətili səbəbindəın Vyanada danışıqlardakı qısa fasilə ərəfəsində Baqeri Kani iranlı jurnalistlərə bildirib ki, danışıqların səkkizinci raundu başlayan son bir neçə gündə danışıqlarda əsas diqqət sanksiyaların ləğvi məsələsinə yönəlib.

O əlavə edib ki, hər iki tərəf müxtəlif sahələr üzrə danışıqlar aparıb və qarşılıqlı fəaliyyətlər həyata keçirib, o cümlədən yoxlama məsələsi ilə bağlı həm Birgə Komissiyanın koordinatoru, həm də Avropa tərəfləri ilə bir neçə görüş keçirib.