İki "respublika"nın sərhədləri necə olacaq? – Zaxarova cavabladı

“Biz əvvəlcə dostluq anlaşmasını ratifikasiya etməliyik, sonra Rusiyanın LPR və DXR-i (Donbasdakı separatçı rejimlər – red.) hansı sərhədlər çərçivəsində tanıdığını müzakirə etməliyik”.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

“Gəlin, bu gün hələ qanunvericilərimizə öz rollarını oynamasına icazə verək və qanuni proses (müqavilənin ratifikasiyası) baş versin. Bundan sonra Rusiyanın LPR və DXR-i hansı sərhədlər çərçivəsində tanıdığını müzakirə edərik”, - XİN-in sözçüsü bildirib.

Rusiya Prezidenti Vladimir Putin bundan əvvəl Ukraynanın işğal edilmiş Donbas bölgəsindəki separatçı rejimlərin “müstəqilliyini” tanıyan fərmanı imzalayıb. Hələlik separatçıların hansı “sərhədlər” daxilində tanındığı açıqlanmayıb.