“Düşmənin ciddi itkiləri var, daha da çox olacaq” - Zelenski

“Ukrayna Silahlı Qüvvələri şiddətlə döyüşür, hücumları dəf edir, düşmən ciddi itkilər verib”.

Teleqraf.com xəbər verir ki, bunu Prezident Vladimir Zelenski deyib.

“Silahlı Qüvvələr həqiqətən şiddətlə döyüşür, Donbasda, şərqdə, şimalda, cənubda digər bölgələrdə hücumları dəf edir. Düşmən ciddi itkilər verib, düşmənin itkiləri daha çox olacaq - onlar bizim torpağımıza giriblər”, - Zelenski bildirib.

O, Ukraynaya şimaldan, şərqdən və cənubdan hücum edildiyini, havadan hücuma məruz qaldığını vurğulayıb və müdafiənin yaxşı təşkil edildiyini söyləyib.