Ukrayna ordusu Çernobayevka aerodromunu mühasirəyə aldı, helikopterləri... - İddia

Gecə saatlarında Ukrayna Silahlı Qüvvələri Xerson yaxınlığındakı Çernobayevka aerodromunu mühasirəyə alıb.

Teleqraf.com xəbər verir ki, bunu news.liga.net saytı Dəniz Piyadaları Komandanlığına istinadən bildirir.

Məlumata görə, aerodromda 30-a qədər helikopter, canlı qüvvə və texnika məhv edilib.

Xəbərdə deyilir ki, bu aerodromda ruslar öz donanmasını qismən yerləşdirmək qərarına gəliblər.

Bundan əlavə, Nikolayeva istiqamətində Rusiyanın üç kolonunun məhv edildiyi iddia olunub. İddialara görə, Ukrayna əsgərləri çoxlu sayda döyüş sursatı, təkərli maşın və 7 ədəd D-20 haubitsa ələ keçirib.