"Qırmızı Xaç bizə qadağa qoydu" – Zelenski hiddətləndi

Beynəlxalq Qırmızı Xaç Komitəsi humanitar missiyalarda bizim nəqliyyat vasitələrimizdə onun emblemindən istifadə etməyə qadağa qoyur.

Teleqraf.com xəbər verir ki, bunu Ukrayna Prezidenti Volodimir Zelenski çıxışında deyib:

“Mənə dedilər ki, Beynəlxalq Qırmızı Xaç humanitar missiya yerinə yetirən nəqliyyat vasitələrimizdə öz emblemindən istifadəni bizə qadağan edir. Bu, çox şey deyir... Bəzi çox nüfuzlu adamlar ukraynalılara qadağa qoymaq qərarına gəliblər. Amma mən buna imkan verməyəcəm. Biz buna imkan verməyəcəyik. Bizim dostlarımız yanımızdadır”.

“Əlbəttə, biz Ukraynaya necə kömək edəcəyini bilən bütün ölkələrin tərəfdaşları, liderləri, parlamentariləri ilə danışıqlarımızı davam etdiririk”, - Zelenski vurğulayıb.

Daha əvvəl xəbər verildiyi kimi, Ukrayna, Rusiya və Qırmızı Xaç Cəmiyyəti Sumdan təxliyə üçün humanitar dəhliz barədə razılığa gəlib. Sükut rejimi elan edilib. Təxliyənin birinci mərhələsi başlayıb.