Cenevrə razılaşması uzadıla bilər

Əgər tərəflər siyasi sənədi razılaşdırmasalar, İran və "altılığın" Cenevrə razılaşması 6-12 ay müddətinə uzadıla bilər. Teleqraf.com-unTASS agentliyinə istinadən xəbərinə görə, bu barədə İran nümayəndə heyətinə yaxın olan mənbə bildirib.

"Belə bir imkan var, - o, bildirib. Bununla belə, tərəflər yaxın günlərdə mövqelərə və gözlənilən razılaşmalara yaxınlaşdırmağa çalışırlar".

Mənbə təsdiq edib ki, danışıqlar prosesinin iştirakçıları irəliləyişə nail olmaq üçün mərhələni 1-2 gün uzatmağa hazırdırlar. "Danışıqlar çox intensivdir, - o, qeyd edib "və demək olmaz ki, ümumiyyətlə heç bir irəliləyiş yoxdur".