Rus ordusunun 4 generalı, 3 polkovniki... - Ukraynadan şok açıqlama

Ukrayna ordusu Rusiya qoşunlarının yüksək rütbəli on zabitini zərərsizləşdirib.

Teleqraf.com Ukrayna mediasına istinadən xəbər verir ki, sıradan çıxarılan Rusiya zabitlərinin arasında dörd general, üç polkovnik və üç polkovnik-leytenant olub.

Ukrayna Milli Təhlükəsizlik və Müdafiə Şurası yanında Dezinformasiyaya Qarşı Mübarizə və İnformasiya Təhlükəsizliyi Mərkəzi məlumatı təsdiqləyib.

Məlumata görə, onların arasında dörd general-mayor, üç polkovnik və üç polkovnik-leytenant var.

Ukrayna tərəfi zərərsizləşdirdiyi yüksək çinli rus zabitlərinin adlarını da açıqlayıb:

General-mayor Maqomed Tuşayev, General-mayor Vitali Gerasimov,General-mayor Andrey Kolesnikov, General-mayor Andrey Suxovetski, polkovnik Andrey Zaxarova, polkovnik Sergey Porohnya, polkovnik İqor Nikolaev, Polkovnik-leytenant Yuri Aqarkov,polkovnik-leytenant Dmitri Sofronov, Polkovnik-leytenant Mixail Ermolin.

Milli Təhlükəsizlik və Müdafiə Şurası yanında Dezinformasiyaya Qarşı Mübarizə və İnformasiya Təhlükəsizliyi Mərkəzi bəyan edib ki, Ukrayna ərazisində olan hər bir işğalçını ölüm gözləyir.