Rusiyadan taxıl ixracı ilə bağlı açıqlama: “Ciddi məhdudiyyət var”

“Türkiyə, Misir, Səudiyyə Ərəbistanı və Azərbaycan Rusiya taxılının əsas idxalçıları olaraq qalır”.

Teleqraf.com xəbər verir ki, bunu Rusiyanın kənd təsərrüfatı naziri Dmitri Patruşev Ümumrusiya Taxıl Forumunda deyib.

Nazirin sözlərinə görə, cari mövsümdə Rusiya 35 milyon ton taxıl ixrac edib ki, bunun da 28,5 milyon tonu buğda tədarükünün payına düşüb. O qeyd edib ki, mövsümün sonuna qədər taxıl ixracı 37 milyon tondan çox olmalıdır.

D.Patruşev dünyada yaşanan taxıl qıtlığını yaxşı başa düşdüyünü, Rusiyanın xarici tərəfdaşları keyfiyyətli taxıl ilə təmin etməyə hazır olduğunu, lakin müxtəlif beynəlxalq logistika şirkətlərinin addımları səbəbindən Rusiya məhsullarının, o cümlədən taxılın istehlakçılara çatdırılmasında ciddi məhdudiyyətlər olduğunu söyləyib.