Səkkiz istiqamətdə rus hücumunun qarşısı alındı

“Ukrayna hərbçiləri Spornı, Mayorsk, Odradıvka, Veselaya Dolyna, Vodyanoe, Avdeevka, Bezımyannoe və Novoqriqoryevka yaşayış məntəqələri ərazilərində düşmənin hücumlarını uğurla dəf ediblər”.

Teleqraf.com xəbər verir ki, bu barədə Ukrayna Silahlı Qüvvələri Baş Qərargahının məlumatında bildirilib.

Qeyd olunur ki, düşmən öz səylərini Donetsk vilayətinin tam işğalı, ələ keçirilən ərazilərin saxlanması, Ukrayna ordusunun müəyyən istiqamətlərdə aktiv hərəkətlərinin dayandırılması tələblərinə yönəltməkdə davam edir.

Ruslar təmas xətti boyunca Ukrayna bölmələrinin mövqelərini atəşə tutmaqda davam edir, ayrı-ayrı istiqamətlərdə qoşunlarını yenidən qruplaşdırmağa çalışır və havadan kəşfiyyat aparır.

“Düşmən beynəlxalq humanitar hüquq normalarını, qanunları və müharibə adətlərini pozaraq mülki əhalinin evlərinə və mülki infrastruktur obyektlərinə hücumları dayandırmayıb. 33-dən çox yaşayış məntəqəsinin infrastrukturu hava zərbələri, raket zərbələri və MLRS-dən atəşə tutulub”, - Baş Qərargah qeyd edib.