Putin tacik və qırğız liderləri ilə sərhəd münaqişəsini müzakirə etdi

Rusiya Prezidenti Vladimir Putin Qırğızıstan və Tacikistan prezidentləri Sadır Japarov və Emomali Rahmon ilə telefon danışığı apararaq, sərhəddəki gərginliyin daha da artmasının qarşısını almağa çağırıb.

Teleqraf.com xəbər verir ki, bu barədə Kremlin mətbuat xidməti məlumat yayıb.

Putin tərəfləri eskalasiyanın daha da artmasının qarşısını almağa və vəziyyəti yalnız diplomatik yollarla mümkün qədər tez həll etmək üçün tədbirlər görməyə səsləyib.

Qeyd olunur ki, Rusiya Tacikistan və Qırğızıstan sərhədində vəziyyətin sabitləşməsinə yardım etməyə hazırdır.