9 Dekabr 2022 11:40
905
12 Punto 14 Punto 16 Punto 18 Punto

Ukrayna Silahlı Qüvvələrinin Rusiya qoşunlarının Berdyansk, Tokmak, Melitopol, Enerqodar, Dneprudne, Pologiya və Zaporoje vilayətinin Vasilivka şəhərində yerləşdiyi mövqelərə endirdiyi zərbələr nəticəsində 240 rus hərbçisi yaralanıb.

Teleqraf.com xəbər verir ki, bu barədə Ukrayna ordusunun Baş Qərargahı məlumat yayıb.

Zərbə nəticəsində rus qoşunlarının 3 sursat anbarı və 20-yə yaxın müxtəlif təyinatlı hərbi texnikası da məhv edilib.

Məlumata görə, Tokmak xəstəxanası tamamilə Rusiya işğalçı qüvvələrinin yaralı hərbçiləri ilə doludur.

Ukrayna Silahlı Qüvvələri Luqansk vilayətinin Biloqorivka, Donetsk vilayətinin Klişçivka və Marinka rayonlarında rusların hücumlarını dəf edib.

Ruslar Kupyan, Novopavliv və Xerson istiqamətlərində müdafiə mövqeyindədir. Bundan başqa, Rusiya qüvvələri Baxmut və Avdiv istiqamətlərində hücum əməliyyatlarını davam etdirir.


Müəllif: Mənsur Rəğbətoğlu