Uzaq Şərqdə gərginlik böyüyür - Yaponiya da hərəkətə keçdi

Çinin artan regional təhdidləri və Şimali Koreyanın hədələyici raket fəaliyyətləri əsasında Yaponiya müdafiəsini gücləndirməyə hazırlaşır.

Teleqraf.com xəbər verir ki, Yaponiya Müdafiə Nazirliyinin sözçüsü Aki Takeşi ölkəsinin materikdən uzaqda yerləşən adaları müdafiə etmək üçün hərbi potensialını gücləndirəcəyini deyib.

Aki bu məqsədlə yer-hava tipli idarəolunan raket bölmələrinin Tayvanın 110 kilometrliyindəki Yonaquni adasında yerləşdiriləcəyini açıqlayıb.

Yerli mətbuat Tokionun bu addımının Çinin Tayvan boğazında artan hərbi fəaliyyətlərinə qarşı tədbir olduğunu yazıb.