"Təyyarəni İŞİD vurmayıb"

“İŞİD” terrorçu qruplaşmasının silahlıları İordaniyaya məxsus hərbi təyyarəni vurmayıblar, pilot qəza nəticəsində ekstremistlərin əlinə keçib.

Teleqraf.com-un İTAR-TASS agentliyinə istinadən verdiyi xəbərə görə, bu barədə ABŞ-ın Mərkəzi komandanlığı (CENTCOM) açıqlama yayıb.

“İordaniya hərbi-hava qüvvələrinə məxsus F-16 təyyarəsi Suriyanın şimalında Rakka şəhəri yaxınlığında qəzaya uğrayıb. Pilot isə “İslam Dövləti” tərəfindən ələ keçirilib”, açıqlamada qeyd olunur.

Bununla əlaqədar CENTCOM-un başçısı, general Lloyd Ostin bəyan edib ki, ABŞ İordaniyalı pilotun sərbəst buraxılması üçün bütün səyləri dəstəkləyəcək. “İŞİD”lə mübarizədə İordaniya ABŞ-ın dəyərli tərəfdaşıdır”, deyə L.Ostin vurğulayıb.