Rus ordusuna şok zərbə - Ağır döyüşlər gedir

Ukrayna Silahlı Qüvvələrinin aviasiyası rus ordusunun şəxsi heyətinin və hərbi texnikasının cəmləşdiyi ərazilərə 18 zərbə endirib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı bildirib.

Əlavə olunub ki, Ukrayna qırıcıları rusların zenit-raket komplekslərinin mövqelərinə dörd zərbə endirib:

"Öz növbəsində, raket və artilleriya bölmələri rus işğalçılarının iki komanda məntəqəsini, beş canlı qüvvənin cəmləşdiyi ərazini, bir sursat anbarını və hava hücumundan müdafiə mövqeyini vurub".

O da deyilir ki, Ukrayna Hava Hücumundan Müdafiə Qoşunları sutka ərzində ruslara məxsus 3 PUA-nı vurub.