İsrail ordusu Suriya ərazisinə zərbələr endirdi

İsrail Silahlı Qüvvələri daha əvvəl edilən raket hücumuna cavab olaraq Suriya ərazisini atəşə tutub.

Teleqraf.com xəbər verir ki, bu barədə İsrail Müdafiə Ordusu (İMO) məlumat yayıb.

“İMO-nun artilleriya qüvvələri Suriyada raketlərin buraxıldığı ərazini atəşə tutur”, - məlumatda deyilib.

İsrail ordusu şənbə günü axşam saatlarında Suriya ərazisindən üç raketin atıldığını qeydə alıb, onlardan biri İsrail ərazisinə keçərək Colan təpələrində yaşayış olmayan əraziyə düşüb.