Rus ordusu dörd istiqamətdə hücuma keçdi - İki yöndə irəliləyir

Rusiya qoşunları son 24 saat ərzində cəbhənin dörd əməliyyat istiqaməti - Liman, Baxmut, Avdiv və Marində 45-dən çox hücum həyata keçirib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat verib.

Rusiya qüvvələri Liman istiqamətində Biloqorivka rayonunda irəliləməyə cəhd göstəriblər.

Ən şiddətli döyüşlər Baxmut şəhəri uğrunda gedir. Ruslar şəhəri tam nəzarətə almağa çalışırlar. Rusların bu yöndə Xromov, Boqdanivka və Predtexinoya hücumu heç bir nəticə verməyib.

Avdiv və Marin istiqamətlərində ən şiddətli döyüşlər Marin şəhəri uğrunda gedir. Rusiya qoşunları Severno, Peremoxa və Novomixailiv istiqamətlərində irəliləyib.

Bundan başqa, gün ərzində Ukrayna ordusu Rusiya işğalçılarının canlı qüvvə və texnikalarının cəmləşdiyi ərazilərə zərbələr endirməyə davam edib. Ukrayna aviasiyası bu yöndə 13 hava zərbəsi endirib. Əməliyyat zamanı Rusiyanın iki PUA-sı sıradan çıxarılıb.

Öz növbəsində, raket qoşunlarının və artilleriya bölmələri gün ərzində canlı qüvvə, silah və hərbi texnikanın cəmləşdiyi 4 əraziyə, eləcə də 2 radioelektron stansiyasına zərbələr endirib.