Hatayda qorxunc qəza - 12 ölü, 30-dan çox yaralı

Türkiyənin Hatay vilayətində baş verən qəza nəticəsində 12 nəfər ölüb.

Teleqraf.com xəbər verir ki, bu barədə səhiyyə naziri Fəxrəddin Qoca Tviter hesabında yazıb.

Nazir bildirib ki, zəncirvari qəzada 31 nəfər xəsarət alıb, onlardan 3-nün vəziyyəti ağırdır.

***

23:17

Türkiyənin Hatay vilayətində ağır yol-nəqliyyat hadisəsi baş verib.

Teleqraf.com xəbər verir ki, Belen rayonunda qeydə alınan qəza zamanı altı nəfər ölüb, 32-dən çox yaralı var.

Yük avtomobili əsgərləri yola salan izdihamın içərisinə çırpılıb.

Hadisə yerində təcili tibbi yardım və Fövqəladə Halların İdarə Olunması Agentliyinin (AFAD) xilasetmə briqadaları işləyir.