Çavuşoğlu: “Ərdoğan Putinlə söhbətində son nöqtəni qoyacaq”

Türkiyənin xarici işlər naziri Mövlud Çavuşoğlu mayın 18-də başa çatacaq taxıl müqaviləsinin ən azı iki ay uzadılmasına ümid etdiyini bildirib.

Teleqraf.com xəbər verir ki, o, bunu çərşənbə günü Suriya üzrə dördtərəfli danışıqların keçirildiyi Moskvadan qayıdarkən jurnalistlərə deyib.

“Ümid edirəm ki, İstanbuldakı görüşdə müsbət nəticə əldə olunacaq. Düşünürük ki, prezidentimiz Rəcəb Tayyib Ərdoğan Rusiya Prezidenti Vladimir Putinlə söhbətində bu məsələdə son nöqtəni qoyacaq və müqavilə ən azı iki ay uzadılacaq”, - Çavuşoğlu qeyd edib.