Hərbçilər qəzaya düşdülər: 12 ölü, 22 yaralı

Ukraynanın Donetsk vilayətində hərbçilər ağır yol qəzasına uğrayıblar.

Teleqraf.com-un UNN agentliyinə istinadən məlumatına görə, “Boqdan” avtobusunun “KRAZ” markalı yük avtomobili ilə toqquşması nəticəsində 12 hərbçi ölüb, 22-si xəsarət alıb.

İlkin ehtimala görə, qəzaya səbəb pis hava şəraiti olub.

“Yol-nəqliyyat hadisəsi nəticəsində 12 nəfər ölüb, 22 nəfər müxtəlif dərəcəli bədən xəsarəti alıb. Xəsarət alanlar Artyomovsk şəhərinin Mərkəzi xəstəxanasına yerləşdiriliblər.

Hazırda polis və prokurorluq orqanları əməkdaşları hadisə yerindədirlər, araşdırma aparılır”, Ukrayna Daxili İşlər Nazirliyinin Donetsk vilayəti üzrə Baş İdarəsinin məlumatında qeyd olunur.