Müdafiə nazirindən Ukrayna proqnozu: “İlin sonuna qədər...”

“Ukrayna Silahlı Qüvvələri ilin sonuna qədər Rusiyanın işğalında olan Krımı azad etməyə tam qadirdir”.

Teleqraf.com xəbər verir ki, bunu Böyük Britaniyanın müdafiə naziri Ben Uolles deyib.

Nazir qeyd edib ki, Rusiya qoşunlarının lazımi texnikası tükənir.

“Döyüş meydanında gördük ki, rus qoşunlarını bir yerdən vursan, dağılmağa başlayacaq”, - o bildirib.

Ben Uolles yaxın aylarda Krımın azad edilməsini real hesab edir.

Məlumata görə, ruslar artıq Armyansk yaxınlığındakı “Krım Titan” zavodunun ərazisini minalayırlar. Ukrayna mətbuatının iddiasına görə, ruslar həmçinin Krım sakinlərinin daşınmaz əmlaklarını müsadirə etməyə başlayıblar.

Sosial şəbəkələrdə Krım körpüsünün dirəklərində çatların əmələ gəldiyini göstərən fotolar da yayımlanıb.