Ukraynaya sürpriz mesaj: “Böyük hədiyyə olacaq”

Serbiya Prezidenti Aleksandr Vuçiç Qərb ölkələrinin Ukraynaya “böyük hədiyyələr”inin olacağını açıqlayıb.

Teleqraf.com xəbər verir ki, Serbiya lideri bunun nədən ibarət olduğunu bildirməyib.

Onun sözlərinə görə, bu, ilin sonuna kimi gözlənilməlidir.

“Ukrayna üçün ilin sonuna qədər gözəl şeylər, böyük hədiyyələr hazırlayırlar”, - prezident deyib.

Vuçiç həmçinin Ukraynanın Vilnüs sammitində NATO-ya üzvlüyü üçün “yaşıl işıq”ın yandırmamasına da toxunub, qeyd edib ki, böyük dövlətlərin işlərinə qarışmaq istəmir.