Britaniyadakı səfir dilinin bəlasına düşdü - Zelenskidən sərt qərar

Zelenski onun sözlərini tənqid edən Ukraynanın Böyük Britaniyadakı səfiri Pristaykonu istefaya göndərib.

Teleqraf.com xəbər verir ki, bu barədə Ukrayna liderinin fərmanında deyilir.

Pristayko Zelenskinin Böyük Britaniyanın müdafiə naziri Ben Uollesin ünvanına səsləndirdiyi sözləri “qeyri-sağlam sarkazm” adlandırıb.

Qeyd edək ki, Uolles bir müddət əvvəl qeyd etmişdi ki, Ukrayna Qərbin köməyinə görə daha çox minnətdarlığını bildirməlidir. Buna Zelenski "Ən azı hər səhər hərbi yardıma görə nazirə təşəkkür edə bilərəm" deyə cavab verib.

Pristayko isə öz növbəsində qeyd edib ki, Ukrayna ilə NATO arasında olan fikir ayrılıqlarını sarkazmla ruslara göstərməyə dəyməz.