İtaliya sanksiyalara məruz qalan rus və belarusluları ölkədən qovur

İtaliya Avropa İttifaqının tövsiyəsi ilə Rusiya və Belarus vətəndaşları üçün “Investor Visa for Italy” proqramını dayandırıb.

Teleqraf.com xəbər verir ki, bu barədə İtaliyanın Müəssisələr və Məhsullar Nazirliyi öz saytındakı qısa notda elan edib.

İtaliyada Avropa İttifaqına daxil olmayan vətəndaşlar üçün “Qızıl viza” adlanan vizalar 2017-ci ildən verilməyə başlanıb ki, bu proqram çərçivəsində arzu edənlər investisiya müqabilində İtaliyada yaşayış icazəsi ala bilərdilər.

Avropa Komissiyası Ukraynada müharibə başlayandan sonra belə proqramları arzuolunmaz adlandırıb. Əsasən ona görə ki, sanksiyalara məruz qalan Rusiya və Belarus vətəndaşları bu cür proqramlar sayəsində Avropa İttifaqı ölkələrində məskunlaşa bilər.