Cəbhədə son durum: Altı istiqamətdə hücuma keçdilər

Rusiya qoşunları ötən sutka ərzində 6 istiqamətdə hücuma cəhd ediblər. Ümumilikdə cəbhə xəttində 30-a yaxın toqquşma qeydə alınıb.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna ordusu Kupyan istiqamətində Sinkivka və İvanivkada rus qüvvələrinin hücumlarını uğurla dəf ediblər.

Baxmut istiqamətində müdafiə möhkəm saxlanılır, Klişivka ətrafı və Drujbada rusların hücumları dayandırılıb. Rusiyanın Avdivə hücumu da nəticəsiz başa çatıb.

Ukrayna qoşunları Rusiya ordusunun Marin ərazisində irəliləməsinə imkan vermir.

Rusiya ordusu Şaxtyor istiqamətində Staromayorsk rayonunda itirilmiş mövqelərini bərpa etmək üçün uğursuz cəhdlər edib. Rusların Zaporoje istiqamətində Novodanilivkaya hücumu da dayandırılıb.

Baş Qərargahdan verilən məlumata görə, Ukrayna Müdafiə Qüvvələri Melitopol və Berdyan istiqamətlərində hücum əməliyyatını davam etdirir, ələ keçirilən mövqelərdə möhkəmlənir və kəşfiyyat tədbirləri həyata keçirir.