ABŞ hərbi gəmisi İstanbul limanına gəldi

ABŞ hərbi dəniz qüvvələrinin Aralıq dənizindəki 6-cı donanmasının flaqmanı olan "USS Mount Whitney" (LCC 20) gəmisi liman səfəri üçün İstanbula gəlib.

Teleqraf.com xəbər verir ki, "Blue Ridge" sinifli komanda-nəzarət gəmisi bu gün liman səfəri üçün İstanbuldadır.

ABŞ-ın Ankaradakı səfiri Cefri Fleyk və ABŞ-ın İstanbuldakı baş konsulu Culie İdeh bu gün gəmini ziyarət ediblər.

“Türkiyə köhnə və dəyərli NATO müttəfiqidir. "Mount Whitney"in səfəri təhlükəsiz və firavan regionun yaradılmasına töhfə vermək üçün Türkiyə ilə hərbi tərəfdaşlığımızı daha da gücləndirmək üçün bir fürsətdir”, - deyə səfir bildirib.