Ərdoğan: "Türkiyənin 81 vilayətini zəlzələ zonası kimi qəbul etməliyik "

"Türkiyənin 81 vilayətini zəlzələ zonası kimi qəbul edərək işlər aparmalıyıq".

Teleqraf.com xəbər verir ki, bu fikri Türkiyə Prezidenti Rəcəb Tayyib Ərdoğan deyib.

Ərdoğan bildirib ki, konteyner şəhərlərdə yaşayan zəlzələdən zərərçəkənlərin sayı 1,9 milyona çatıb:

“Məqsədimiz zəlzələ reallığına qarşı ən sağlam, sürətli və ən ədalətli şəkildə şəhər çevrilməsini həyata keçirəcək hüquqi infrastruktur yaratmaqdır”.

Türkiyə Prezidenti onu da vurğulayıb ki, təbii fəlakətdən zərərçəkənlərə yardım, təxliyə, ölüm, dağıntı, dağıntıların təmizlənməsi və digər işlər üçün 82 milyard lirə maddi yardım edilib.