İranda partlayış səsləri – Bir PUA vuruldu

İranın Qorqan şəhərində (Gülüstan əyaləti) bir pilotsuz uçan aparat (PUA) partlayıb.

Teleqraf.com xəbər verir ki, İranın aidiyyəti qurumları hələlik bu barədə açıqlama verməsələr də, bəzi KİV-lər onun hava hücumundan müdafiə sistemi tərəfindən vurulduğunu yazırlar.

Məlumata görə, PUA-nın partlayış dalğası nəticəsində ətrafdakı evlərin və avtomobillərin şüşələri qırılıb.

“İslam İnqilabı Keşikçiləri Korpusu” (SEPAH) və Gülüstan polis qüvvələri olayın baş verdiyi yerə cəlb olunub. Amma bu qurumlar hələlik dronun hansı səbəbdən partlaması barədə açıqlama verməyiblər.

Dronun xəstəxanasının ərazisinə düşdüyü bildirilir.