Bayden yenidən peyvənd olundu

ABŞ Prezidenti Co Bayden yenilənmiş koronavirus peyvəndi ilə peyvənd olunub.

Teleqraf.com xəbər verir ki, bu barədə dövlət başçısının müalicə həkimi Kevin O'Konnor məlumat verib.

Bildirilib ki, ABŞ lideri COVID-19-a qarşı peyvənd olunmaqla yanaşı, qrip peyvəndi də alıb.

“Soyuqdəymə və qrip mövsümü yaxınlaşdıqca, Prezident bütün ABŞ vətəndaşlarını onun göstərişinə əməl etməyə və tam peyvənd olunmaq üçün tibb işçisi və ya əczaçı ilə məsləhətləşməyə çağırır”, - deyə məktubda vurğulanır.

Xatırladaq ki, sentyabrın əvvəlində Ağ Ev ABŞ prezidentinin həyat yoldaşı Cil Baydenin koronavirusa yoluxduğunu açıqlamışdı. Baydenin özü 2022-ci ilin iyulunda koronavirusa yoluxub. Ümumilikdə dövlət başçısı COVID-19-a qarşı üç peyvənd alıb.