Ağ evdən Kremlə cavab: “Putin bizi üstələyəcəyini düşünürsə...”

Ağ ev Kremlin Ukraynaya yardımdan Qərbin yorulcağı və Kiyevlə Qərb tərəfdaşları arasında ziddiyyətlərin güclənəcəyi ilə bağlı iddialarını rədd edib.

Teleqraf.com xəbər verir ki, bu barədə Ağ evin mətbuat katibi Karin Jan-Pyer brifinqdə deyib.

O, rusiyalı həmkarına Ukraynanın arxasında güclü ittifaqın olduğunu xatırladıb:

“Ukraynanın arxasında güclü, çox güclü beynəlxalq koalisiya var. Əgər Putin bizi üstələyə biləcəyini düşünürsə, yanılır”.

Karin Jan-Pyer bildirib ki, Vaşinqton tezliklə Ukraynaya yeni yardım paketi elan edəcək.

Xatırldaq ki, Rusiya Prezidentinin mətbuat katibi Dmitri Peskov “müxtəlif ölkələrin, o cümlədən ABŞ-nin Kiyev rejiminə tamamilə absurd sponsorluqdan yorğunluğunun artacağını” demişdi. Onun fikrincə, “bu yorğunluq siyasi isteblişmentin parçalanmasına və ziddiyyətlərin artmasına gətirib çıxaracaq”.