Ukrayna ilə bağlı kritik qərar – “Bitirməyin vaxtıdır”

ABŞ Konqresinin bir qrup respublikaçı üzvü Prezident Co Baydeni Ukraynaya daha uzaqmənzilli ATACMS raketləri göndərməyə çağırıb.

Teleqraf.com xəbər verir ki, konqresmenlər Baydenə məktubda kiçikmənzilli raketlərin Ukraynaya ötürülməsini dəstəklədiklərini iddia edirlər.

Respublikaçılar həmçinin Ukraynanın uzaqmənzilli ATACMS-lar üçün müraciət etdiyini xatırladırlar və Kiyevin onlardan məsuliyyətlə istifadə etmək bacarığını nümayiş etdirdiyini deyirlər:

“ATACMS üzərində işi bitirməyin vaxtıdır. Bunu etməmək döyüş meydanında dalana dirənmə və bu müharibənin daha da uzadılması riski ilə yanaşı, həm də düşmənlərimizin bütün dünyada təsir əməliyyatları aparması nəticəsində qlobal qeyri-sabitliyin daha da artması riski daşıyır”.

Konqresmenlər Baydenə Ukraynanın dərinliklərə zərbələr endirmə tələbi və qabiliyyətini də xatırladırlar.