İsrail ordusu Qəzzada irəliləyir – HƏMAS-ın 11 postu ələ keçirildi

İsrail Müdafiə Qüvvələri (SAXAL) əməliyyatların əvvəlindən Qəzza zolağının şimalında HƏMAS-ın 11 postunu ələ keçirdiyini açıqlayıb.

Teleqraf.com xəbər verir ki, gecə əməliyyatları İsrail ordusunun “Nahal” Briqadası HƏMAS-ın məktəbin yaxınlığındakı tunelini dağıdıb.

İsrailin “Givati” ​​Briqadasının hərbçilərinə yaxınlaşan HƏMAS qüvvələri isə hava zərbələri ilə zərərsizləşdirilib.

SAXAL bildirir ki, İsrail Hərbi Dəniz Qüvvələri də gecə ərzində Qəzzanın şimalında HƏMAS yaraqlılarının istifadə etdikləri binaları hədəfə alıb. Zərbələrin bəziləri quru qoşunları tərəfindən idarə olunub.

Müdafiə Qüvvələri əlavə edir ki, HƏMAS-ın dəniz qüvvələrinə aid silah anbarları da sıradan çıxarılıb.