Ruslar dayanmaq bilmirlər - Şəhəri mühasirəyə almaq istəyirlər

Rusiya qoşunları Avdiv şəhərini mühasirəyə almaq cəhdlərindən əl çəkmirlər.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Son 24 saat ərzində cəbhədə tərəflər arasında 60-dan çox toqquşma baş verib.

Rusiya qüvvələri Kupyan istiqamətində Sinkivka və Petropavlivka rayonlarında hücum əməliyyatları keçirib, burada Ukrayna hərbçiləri qarşı tərəfin 8 hücumunun qarşısını alıb.

Rusların Liman istiqamətində Nadya və Serebryansk, Baxmut istiqamətində Boqdanivka, İvanivsk, Klişçivka və Andrivka yaxınlığında hücumları dəf edilib.

Ukrayna ordusunun Baxmut şəhərinin cənubunda hücum əməliyyatlarını davam etdirdiyi bildirilir.

Rusiya ordusu Avdiv şəhərini mühasirəyə almaq cəhdlərini dayandırmır, amma Ukrayna qoşunları bu istiqamətdə müdafiəni möhkəm saxlayır. Rusların bu istiqamətdə Severnı, Tonenko, Avdiv, Vodya, Pervomayskinin şərqindəki ərazilərə hücumları uğursuz alınıb. Bundan əlavə, ruslar Marin və Novomixaylivka istiqamətində nəticəsiz hücumlar həyata keçiriblər. Rusiya qüvvələri Şaxtyorda da heç nəyə nail ola bilməyib.

Eyni zamanda, Ukrayna müdafiə qüvvələri Melitopol istiqamətində hücum əməliyyatını davam etdirir.