Rusiya ordusu irəliləyir - Ölkə addım-addım ələ keçirilir

Rusiya qüvvələri Kupyan-Svatov-Kreminna xəttində və Avdiv şəhərində irəliləyir.

Teleqraf.com xəbər verir ki, bu barədə ABŞ-ın Müharib Araşdırmaları İnstitutu (ISW) məlumat yayıb.

Rusiya qoşunları son sutka ərzində Kupyan-Svatov-Kreminna xəttində hücum əməliyyatlarını davam etdirib və irəliləyib. Rusların Dibrovanın cənub-şərqinə doğru irəlilədikləri bildirilir.

Ukrayna Quru Qoşunlarının komandanı, general-polkovnik Aleksandr Sırski deyib ki, Rusiya ordusu Kupyan istiqamətində Liman Perşo, Stelmakivka, Novoselivski və Limanda hücum əməliyyatları aparır. Sırski onu da vurğulayıb ki, Rusiya ehtiyatda olan hücum bölmələrini Sinkivka yaxınlığında yerləşdirir.

Avdiv istiqamətində hücumlarını davam etdirən Rusiya qoşunları şəhər ərazisində irəliləyib. Bundan başqa, rusların Stepovoy yaxınlığındakı dəmir yolu zonası və qəsəbənin şimalında taktiki hücuma başladıqları deyilir.

Rusiya qüvvələri Donetskin qərb və cənub-qərbində də irəliləyib.

Ukrayna ordusu isə Xerson vilayətinin şərq (sol) sahilində Krınık yaxınlığında quru əməliyyatlarını davam etdirir. Rusiya mənbələri Ukrayna qüvvələrinin Krınıkın cənubunda mövqelərini gücləndirdiyini bildirirlər.