Ərdoğanın dediyi oldu – ABŞ də təsdiqlədi

Dünya nizamı dəyişir, Türkiyə prezidentindən sonra bunu ABŞ də təsdiqləyib.

Teleqraf.com xəbər verir ki, bunu politoloq Zaur İbrahimli deyib.

“Türkiyə, Prezident Ərdoğan deyəndə inanmırdınız: nəhayət, ABŞ də yeni dünya nizamı barədə danışmağa başlayıb. ABŞ prezidentinin təhlükəsizlik məsələləri üzrə müşaviri Sallivan Davos Forumunda bu mövzuda fikirlərini bölüşüb. Amerika rəsmisi qeyd edib ki, Vaşinqtonda heç kimin yeni dünya nizamının hazırda faktiki olaraq formalaşdığına şübhəsi yoxdur.

Həqiqətən də, hazırda yeni dünya nizamı formalaşır. İstənilən halda dünya nizamı daim inkişaf edir, İkinci Dünya Müharibəsinin bitməsindən sonra da inkişafdadır. Bir dövrün sonuna, başqa bir dövrün başlanğıcına gəldik.

Yeni nizam və dövrün necə görünəcəyinə təsir etmək imkanımız var. Biz geridə qalan dövrün əsaslarını təşkil edən mövcud institutları dəyişə bilərik. Uyğunlaşdıra və ən dəyərli prinsipləri özümüzlə növbəti dövrə apara bilərik”, - ekspert bildirib.