İranın Kirman şəhərində baş verən partlayışa görə səfəri təxirə salınan İbrahim Rəisinin Türkiyə səfəri yanvarın 24-də baş tutacaq.
Teleqraf.com xəbər verir ki, Türkiyə-İran Yüksək Səviyyəli Əməkdaşlıq Şurasının 8-ci iclası çərçivəsində baş tutacaq görüşlərdə ticarət, iqtisadiyyat, mədəniyyət və elm kimi ayrı-ayrı mövzularda təxminən 10 razılaşmanın imzalanacağı gözlənilir.
Şuranın ilk iclası 2014-cü il iyunun 9-da Ankarada keçirilib. Toplantıya o vaxtkı baş nazir Rəcəb Tayyib Ərdoğan və İranın o zamankı prezidenti Həsən Ruhani sədrlik edib.
Prezident Rəcəb Tayyib Ərdoğanın sıx diplomatik proqramında Rəisidən sonra rusiyalı həmkarı Vladimir Putinlə görüşəcəyi gözlənilir. Rusiya lideri ilə görüşdə Qəzza, Rusiya-Ukrayna müharibəsi və Qırmızı dəniz məsələləri müzakirə olunacaq.
Vladimir Putinin qardaş ölkəyə fevralın 12-də gələcəyi gözlənilir.