Qəzzada savaş nə vaxt bitəcək? – Netanyahu açıqladı

İsrail Qəzza zolağında tam qələbəyə qədər mübarizəni davam etdirəcək.

Teleqraf.com xəbər verir ki, İsrail Baş naziri Benyamin Netanyahu yanvarın 22-də Qəzzada baş verən döyüşlərdə 20-dən çox hərbçinin həlak olmasından sonra belə bir bəyanatla çıxış edib.

“Dünən müharibə başlayandan bəri ən ağır günlərdən birini yaşadıq. Qəhrəmanlarımız və canımız bahasına tam qələbəyə qədər mübarizəmizi dayandırmayacağıq”, - baş nazir deyib.

Netanyahu bildirib ki, İsrail Müdafiə Qüvvələri döyüşlərlə bağlı araşdırmaya başlayıb:

“Lazımi dərsləri öyrənməli, döyüşçülərimizin həyatını qorumaq üçün hər şeyi etməliyik”.