Sərt qənaətdən imtina edin

ABŞ prezidenti Barak Obama Yunanıstanın yeni baş naziri Aleksis Tsiprasa zəng edib. O, solçu “Siriza” partiyasının liderinə parlament seçkilərindəki qələbəsi münasibəti ilə təbriklərini çatdırıb.

Teleqraf.com-un "RİA Novosti" agentliyinə istinadən verdiyi xəbərə görə, söhbət zamanı Obama Avropanı sərt qənaət siyasətindən imtina etməyə çağırıb:

“Prezident Obama qeyd edib ki, ABŞ Yunanıstanın yeni hökuməti ilə sıx əməkdaşlıq etmək niyyətindədir. Tərəflər həmçinin Avropada təhlükəsizlik və terrorizmlə mübarizə məsələlərini müzakirə ediblər.

Barak Obama bildirib ki, Avropa ABŞ-da olduğu kimi sərt qənaət siyasətindən imtina edərək əsaslı inkişaf planı qəbul etməlidir”.