Aktyorun ölümü məşhurları yasa boğdu: "Onun kimi..."

Türkiyənin məhşur aktyoru Genco Erkal vəfat edib. 86 yaşlı aktyor qan xərçəngindən əziyyət çəkirdi.

Teleqraf.com xəbər verir ki, Genco Erkal məşhur türkiyəli şairi Nazım Hikmətin şeirlərinin özünəməxsus səsləndirməsi ilə tanınıb.

Sənətçi Əziz Nesindən Haldun Tanerə, Nazım Hikmətdən Yaşar Kamala qədər bir çox sənətkarın əsərlərini teatra uyğunlaşdırıb. O, simfonik konsertlərdə bir çox əsərlər ifa edib.

Xəbəri eşidən sənət dostları sosial şəbəkə vasitəsilə kədərlərini paylaşıblar.

Aktrisa Nebahat Çehre: “Ustad teatr və kino aktyoru Genco Erkalın vəfatını dərin hüznlə öyrəndim. Mərhuma Allah rəhmət eləsin, ailəsinə, yaxınlarına və bütün sənət ictimaiyyətinə başsağlığı verirəm".

Aktyor Haldun Dormen: "Genco Erkalın ölümü əhval-ruhiyyəmizi tamamilə korladı. Türk teatrının ən böyük işıqlarından biri söndü. Genco özünəməxsus üslubu ilə türk teatrını yeni ölçülərə apardı. Onu kimi birini tapmaq çox çətin olacaq. Onun addımlarını heç vaxt unutmayacağıq”.

Məşhur pianoçu və bəstəkar Fazil Say: “Genco Erkal bu səhər dünyasını dəyişdi. Ən böyük sənətkarımızı itirdik. Başsağlığı diləyirik. Ömrü boyu işıq saçdı, məkanı cənnət olsun. Ondan çox şey öyrəndim. Türkiyə onunla daha böyük idi..."

Ajda Pekan: “ Genco Erkalın itkisinə görə çox kədərlənirəm. O, həyatını sənətə, işıqlı Türkiyə idealına həsr etmiş çox dəyərli bir ziyalı idi, rəhmət eləsin".